Comentariu editorial

El más xenuín de los xéneros lliterarios asturianos, el monólogu, tres d’años d’ésitu y gloria con autores como Delestal o Anxelu –tamién echador– entró en decadencia, en parte pola falta d’anovación de los temes y la so desconexón estilística y temática colos gustos d’anguaño. Un grupu de xente mozo entamó a trabayar col monólogu, col envís d’actualizalu ya modernizalu, al traviés de dos víes: d’una mano treslladando l’esitosu estilu de la stand-up comedy a la llingua asturiana y al nuestru contestu social y, d’otra banda, modernizando la temática del monólogu tradicional asturianu. Asina consiguieron garrar públicu y crear lo qu’ellos denominen «monólogu modernu».

¡Pa echar unes rises! recueye los frutos d’esa xera formosa cola qu’autores como Cristina Muñiz Martín, Azucena Álvarez García, Inaciu Galán Y González, Isaac G. De L`Arada, Benxa Pérez Y Chechu García, fueron quien a llevar otra vuelta’l públicu al espectáculu del monólogu.